雞絲芝麻醬冷麵

天氣勁曬勁熱..有個風打緊尼..熱到爆,原先想去游水,但老公又病喎..咁唯有放工返屋企啦..

不過唔好游水都好既,因為明天有朋友探訪,我要預備high tea,如果游完水返尼,實攰死,唔想郁啦..

於是我返到屋企就走上廚房,整整整,洗洗洗,切切切....熱熱熱...係到同大家講下,我屋企係村屋, 我地住三樓連天台,而廚房係係天台既,所以..無冷氣...如果開埋焗爐,真係溶得架..

預備完明天下午茶既野,就要做晚飯,熱成咁,真係唔想食,所以最好整冷麵,整好放落雪櫃, 到晚餐時間先拎出尼,咁就食得落啦...