痛...超級痛

我既寶貝受傷了.

親眼睇住成件事既經過...而且都係我既疏忽,真係好心痛好心痛..

沖完涼,我用毛巾包住佢,其實一直以來都知咁樣有危險性,

包埋佢對手,跌倒時想扶一下都扶唔到..但偏偏我一直只有諗,但仲係走去包住佢..

今日出事了...佢就係我兩步前跌倒,我反應遲鈍,無及時扶住佢..

跌後我見到牆邊既一條鐵支,心寒了...

馬上抱起佢一睇..咀角都流血了...心都慌了...

不幸中之大幸,係撞到咀唇...如果係頭或眼...我真不敢想像...

望住佢大喊大叫...我只可以不停呵顧住佢..用水同佢沖洗傷口,心真係痛到不得了..

我不段自責...點解明知用毛巾包實佢有危險,我仲要包...點解佢跌既時候我反應咁慢...點解明明佢放左拖鞋係門口,我係要拎左入尼,攪到佢因為著拖鞋而企唔穩跌倒...

至左血,我知道佢無事..我知道過幾日傷口會好..但我仲係好心痛,好自責,好內疚...

瞓覺時,我腦海仲不段浮現出佢跌倒既一幕,眼淚又流下來了...