生日飯 @ 黃金海岸 lunch buffet

生日週..今次到屋企人喇..

一家人去左黃金海岸食lunch buffet,二妹仲帶埋佢個兒甥囡尼,

黃金海岸既buffet好似進步左喎..魚生新鮮,款式都算多,係甜品就少啲啲,但個麵包布甸好食..

食完就過去沙灘同啲小朋友玩沙,

今日雖然好曬,但係有陰既地方就都好涼快,好大風..

我地租左一把遮,係沙灘到舒舒服服過左一個下午..

夜晚返屋企,煮個簡單住家飯,

有欖菜肉鬆四季豆同埋照燒雞扒,

上星期BBQ仲有兩個蕃茄未食..竟然無穿無爛無變壞喎...

拎埋尼煮多個蕃茄炒蛋..我中意食蕃茄炒蛋係有加茄汁同醋既..咁先夠味..好好送飯呢