迷你小椰撻

今朝好好太陽,一放同悠悠去踩下單車,嘆個早餐,同隻豬仔撐下枱腳先 ^^

跟住返到屋企又開始就上廚房..其實真係有啲內疚..我一放假就埋頭係廚房入面,都無點陪悠悠玩添...悠悠,媽咪下星期陪你玩吓...乖...kaka..

今日想整迷你小椰撻,想整好耐架喇,椰蓉都買左返尼,等左我好耐..今日終於動手..

搓好個撻皮,煮好個椰蓉,放晒入雪櫃,就同悠悠出去食午餐啦..

返到屋企,悠悠去瞓午覺,我就慢慢入模,啲椰撻係迷你版,所以可以整好多個,但撻模有限,要焗完一批再整第二批,第一批焗左17-18個左右,入爐時我又準備煮飯啦..

今日整味噌豬扒,好seafood咁整左個便當,不過材料有限,都係求求其其咁..

飯後再尼第二批椰撻,今次同悠悠一齊玩,佢整得好開心,出爐仲好中意食添喎,好滿足呢
^^

食飽飽,一家三口座係到睇電視,兩父囡都好中意盤座係地下,好得意呢...