醬汁雞扒沙律

減肥..減肥...減肥....

依排真係前所未有咁努力減肥...我真係太頂我自己唔順...真係太肥啦...岩岩生完悠悠都未有而家咁肥呀..

好多人話,你成日整蛋糕,美食..梗係肥啦...但...我每次整..整完我都只係食兩啖,有時啲海綿蛋糕呀,麵包我都係第二日做早餐既..而曲奇就多數派街坊啦..至多下午肚餓先食兩塊咁大把...又關乜野事呢...

我諗我肥既原因..最大係因為自從生左悠悠後,日日返媽咪到食飯..必定最少四餸一湯,白飯任裝..咁...點唔肥啦...

而家唯有努力減肥...星期日我都係自己煮既..兩父囡唔洗陪我減..佢地食麵,我食沙律...

用煎焗方法煮左幾塊雞扒,用日本豉油,老抽,糖去收一收汁,雞扒岩岩熟,好滑,好味..

再整個紅酒醋汁..伴蔬菜食..好清新...

努力減減減....