三色腸拿破崙螺絲長通粉

星期六,唔知係唔係病仲未清,攰攰地咁,收工係屋企附近食午飯,行一陣就返屋企瞓晏覺..

今晚餐飯好簡單,只要買兩隻青椒..

因為今日要清理雪柜既餘下物資..

冰箱有兩款腸仔,一粗一幼..下格仲有德國腸片,同埋有一樽媽咪比我既意粉醬,再加埋兩包都食左一半既螺絲粉同長通粉,咁就做到一個三色腸拿破崙螺絲長通粉喇...

上次食個意粉醬,唔多好食,太重香草味,我自己平時好少買意粉醬,覺得係要自己煮既先好食,今次媽咪買多左,咁我唯有用埋佢啦,自己加啲茄汁同檸檬汁,出尼估唔到咁好味喎....