行程既最後一天,就係長隆野生動物園喇...
一早九點幾,大家係酒店食個簡單早餐,就出發去動物園啦..
一入去,兩邊見到好多黑白天鵝..
之後,我地先去座小火車...今日好好好幸運,真係好感謝上天,係天氣報告上日日都係雷雨冒時候..今日放晴了..動物們都出尼曬太陽呢...
座完小火車,就去睇恐龍館..悠悠係咁大嗌好驚..我地走啦..真係笑死人..
之後,我地就去左動物幼兒園到睇動物BB..啲Bear Bear
BB真係超得意呢..
之後就去餵我至愛..長頸鹿.....
再睇大象Show...
跟住再四圍行下...影下相啦..
再見到有樹熊.可以同佢影相..悠仔又話唔驚喎..雖然50元一人,真係幾貴,但難得佢唔驚..影啦!!
玩到5點左右,我地就走喇..去左長隆酒店同表姐合會,一齊食餐晚飯..就返屋企了..
今次搭直通巴士...本來去黃崗,但我一見佢停福田就嗌佢地落車..點知原來仲要轉幾個站地鐵..但都叫好彩..今日好多人過關..幸好福田口岸關口多,人會比黃崗少,所以好快過到..但6:30上車...返到屋企都11點幾了..下次都係搭直通火車最好
=_=
第二日,天氣幾好,我地四圍行下,下午屋企人會到,我地都會同親戚合會,所以去左合會地點附近行下..求其去左一間仙踪林食早餐..都OK既..
到下午兩點幾..屋企人先到,親戚帶左我地去一間酒樓食冬瓜盅..唔係普通冬瓜盅..係冬瓜火鍋,大大舊冬瓜做個鍋,幾好喎.又清熱,又好味..
之後外面又落雨,親戚帶我地行地下街..但時間有限..只係行左一個鐘就要搭地鐵,出發去長隆睇馬戲喇..
馬戲八點鐘先開,睇到九點幾..真係幾精采幾有氣氛既,悠悠都睇得好開心..拍爛手掌添呀..
睇完馬戲,就去左酒店附近一個大牌檔食宵夜..食飽就返酒店休息了..好夜啦..明天一早仲要去動物園呀..
今次住依間酒店,都係七天連鎖酒店既另一分店,比尋日個間新淨靚啲大啲...好喇..休息了..ZZZ
復活節第二日,就出發去廣州..今次去三日兩夜..第一日,我地一家三口先出發..
搭直通火車,兩個鐘到達,又快又方便,過關又少人..讚!!!
到左廣州東站,就轉地鐵,幾個站就到親戚幫我地訂好既酒店..今次親戚幫我地訂既係七天連鎖酒店,只係百幾元,好平好平,入面好簡單,但總算幾乾淨既,瞓一晚,OK啦..
親戚推介我地去唔記得乜乜街食午飯,我地行左一半路都無,實在太大雨,悠悠著住雨褸都濕晒,求其去左一間食腸粉既舖頭食,但..不好吃...食完馬上回酒店,我就馬上拉肚子了...
老公出發前有點感冒..外面又大雨..大家留係酒店午睡..
到六點幾,親戚教我地搭地鐵,去一啲地鐵連住既商場,咁就唔怕啦...於是我地去左一個叫江南既商場..個商場好大下...行極都未到盡頭,好多小精品店,好好睇,好過香港啲商場,全部都係連鎖式店鋪呢...
行完個商場,出去街,見到細雨左,就出去行下..去左另一間百貨公司,見到有一間食素既,仲要等位,感覺幾好..去試下啦...
正正正..叫左一壺菊花茶..飲完成個人好舒服,之前肚子不適都好咗了...
叫左幾碟小菜..好好食...尤其個南瓜湯,清甜都不行呀...
食飽飯,就打道回酒店休息去了...
Yeah....開始我既悠長復活節加清明節假期喇...因為我申請埋2/4 -
3/4,咁就連放7天啦...
今日假期第一日,悠悠兩個同學仔小雅同栢宜尼玩,栢宜仲帶埋表姐仔尼添..
四個小朋友,三個媽咪,一開始大家先玩煮飯仔...整香蕉朱古力小蛋糕..
小朋友們都好專心呢...
當蛋糕入爐焗緊時...小朋友們開始失控...大叫大跳大笑...三個媽媽..實在控制唔到場面..哈哈....
三個細既小朋友好好笑..乜都要爭,個個都中意扮大人去教訓人地,突然三個都變得好惡咁..得最大既表姐仔最乖...
好..開餐先...有小雅媽媽帶尼既沙律,栢宜媽媽帶尼既啫喱,而我就整左啲壽司
今次原先我地係約去摘士多啤梨既,但天公不做美,就唯有改尼我屋企咋..但三個媽媽都不約而同..用士多啤梨做食材呢...
好..唔講咁多..睇下成班傻豬仔,玩到幾瘋狂既樣啦..
明天悠悠學校開復活節Party,悠悠話要做復活蛋,咁我就去買左一個朱古力模返尼,入面有蛋,有兔仔,有雞仔...
朱古力真係唔係我杯茶,所以一向好少做,都無去鑽研..買左一盒現成既紅桑子餡,諗住放入蛋入面..要先掃一層朱古力,乾左再一層,再乾再一層,之後唧上餡再合併..
一個模得六隻半邊既蛋...即係一次只做到三隻...悠悠又要爭住整,咁仔細既野,佢仲未應付到..
終於,唔掂..放棄加餡,因為要整大約50粒,一次三粒實在唔係辦法..加上悠又攪唔掂..
所以..改為就咁溶左啲朱古力,放入唧袋,比悠悠唧入模算了...
而朱古力蛋為左好睇少少,係模到先放一啲彩針,再唧入朱古力..攪掂...再係面掃小小閃粉,等佢靚啲啦..
一共50幾粒...兩粒一袋隻..岩岩夠比悠悠個班分咋...隔離班都唔夠了...
為左今次個朱古力,上網睇左啲資料..令我開始有小小興趣..不過都只限用唔洗調溫既朱古力,加下餡呀,貼下轉印紙,掃下閃粉好了..要調溫就真係唔好攪我喇...我對朱古力實在興趣不大..
好..返埋聽日工就放假喇,我已經請埋2-3/4, 連放7日..yeah~~~
祝各位復活節快樂呀!!!!
同呈呈既約會一改再改..今日終於尼到喇...
早係成個幾月前已經收左佢送既靚靚茶具套裝,一直未開張...今日終於等到佢尼,一齊開張喇..
尋日4點幾開始走入廚房,整芝士蛋糕,cupcake,奶凍同鬆餅...攪到6點半,無時間整晚飯,叫Pizza食...
今朝10點幾起身,又走入廚房,整整整...整到12點,整到頭有啲暈..先諗起未食早餐...
見切完個法包有啲頭頭尾尾,方包又有啲皮係到,烘脆佢,同悠兩個食個遲來的早餐..
食完早餐,等等等等...等到兩點,佢地終於尼喇...
開始Tea
Time...啲食物出尼,呈呈哇哇叫..開心到我...kaka..至少唔食得都要睇得..
仲要有阿沖影左好多靚相...真係超中意佢啲相..睇完佢影個啲..我自己電話影個啲真係Delete得...kakakaka...
好..唔講咁多..睇下我地今日有乜好食...
