再見

慘....Yahoo Blog要停止了....無得用了...我岩岩先尼左無耐咋...乜咁架..可惡...
難得係到識到幾位blog友...激死人啦...
但我唔會停止寫blog架..我會繼續努力!!
係依個blog停止前,我會盡快找新家架喇...希望到時再見到你地啦!!


Yahoo 公佈 :

重要公告：Yahoo! Blog將於2013年10月30日進入唯讀模式，2013年12月26日關閉服務

經過評估全球資源及整體發展方向後，我們決定在2013年12月26日正式終止 Yahoo! Blog。為保障用戶權益，自2013年9月2日起，Yahoo! Blog將開放用戶的資料備份申請、下載、「輕鬆搬家」、通知我們新網址服務。

玩沙樂

我一直有皮膚既問題,之前係西貢遇上一檔賣手工皂既,佢既皂成份天然,於是買左返去一試..

用完感覺都幾好,後尼再係佢FB發現佢地有做紫雲膏,有主婦手問題既我又試下呢,但效果唔係咁得,後來再知道佢地可以跟據你既問題去調制香油,所以今日就去到西貢,調返一支岩我既香油,希望可以解決到煩左我十幾年既主婦手啦....

一場入到西貢,梗唔係買完支油就走啦,天氣咁好,帶埋玩沙玩具,同悠悠去吸下新鮮空氣..

藍天白雲,真係好舒服,可惜係西貢依個小沙灘仔啲沙好粗,又多貝殼碎片呢..但無損大家玩樂心情..^_^

依張相有我地一家三口係到架....kaka

走個時又見到好多牛牛喇,比之前多左好多呢,仲有小牛仔,好可愛呢 ^^

玫瑰抺茶紅豆忌廉蛋糕

終於個病完完全全好返晒喇...手痕痕要做蛋糕啦 ^^

今日唔係有order要做,只係因為手痕,咁要諗下做乜野蛋糕好呢..

其實,會訂個蛋糕送比人既,就代表依個人係你心目中係一個重要既人,你想令佢開心..

多數,都會係親人,好好朋友,而最多既,一定係情人啦...

今次依個蛋糕好浪漫,女仔收到一定好冧,除左粉紅色,你都可以選擇紫色,藍色,都係咁浪漫架..

除左情人,依款蛋糕都好岩孝敬母親大人既,媽媽收到,都會好窩心呢..

氹人開心,唔一定要生日架,如果你都想氹人歡喜,快啲加入我地facebook群組,拎個蛋糕返去一齊冧下啦 ^_^ : https://www.facebook.com/groups/154423308087475/

鮮忌廉香蕉石板街蛋糕

係大病前一晚,臨時收到同事既蛋糕order,放工即去睇下有乜野水果買..但收工時間,真係無乜野靚呢...唯有買一樣必定無死既...香蕉...

返去焗一個朱古力味既海綿蛋糕,打起一盤忌廉...

整好咗蛋糕後,諗吓個面點裝飾好呢....有喇..綿花糖!!!

加啲果仁碎,朱古力彩針,再加啲榛子粉,唧上朱古力漿...

完成!!!

希望收到既人中意啦~~

惡菌

大病一場...星期五早上返工係地鐵上,突然好頭暈,即刻落車座底休息...幾經辛苦返到公司,沾寒沾凍...喉嚨又勁痛....唔掂..到係走人...飛的返去媽咪樓下,睇醫生,原來發燒了...平時好少發燒既我...知道發燒真係好辛苦呢...跟住再上媽咪到瞓...瞓....瞓....

到4點半,接悠放學,個傻豬見係我,好開心...係屋企瞓左成日,成個人散晒..同隻豬仔去商場行下啦...

第二日星期六...無乜好轉,係無再發燒..但喉嚨超級痛...照下鏡,原來除左喉嚨發炎,連兩邊口腔都損晒...超痛呀
>_<

全日由老公照顧悠悠,我係床瞓完,再去梳化瞓..

星期日...老公要開工..我唯有自己揍悠..要再去睇醫生..悠陪埋我去啦...佢要小心,所以佢一定要戴口罩,仲一離開診所就叫佢洗手,洗手...

跟住去大家樂食個通粉早餐..豬仔好乖..知我病..幫我排隊..真係好底鍚...但我病..唔鍚得..要隔離 >_<

食完早餐,同佢去公園玩左一陣,見佢咁乖就帶佢去食雪糕,尋日屋企人話將軍澳中心開左間日式餐廳,有好靚既雪糕食既..於是去睇下...

原來係我至愛既綠茶專門店尼架...正呀~~~

有雪糕食..個傻豬勁開心呢...

到咗夜晚..惡夢來了...悠悠發燒呀
>_<....點解咁喎..明明隔離左,唔控佢,唔鍚佢,成日要佢洗手...都係中招了....屋企有備退燒藥,比佢食左後就退左啲啲,但半夜竟然高燒起上尼..佢第一次發咁高燒咋....

就係咁...成晚要照顧佢..我自己病未好既,仲要無覺好瞓....

到左星期一...當然雙雙請假啦..悠悠學校原先今日去參觀博物館架..攪到佢無得去..真係傷心..

同佢睇完醫生..兩個一齊返屋企食婆婆既愛心粥...好清淡,好好食...出街食個啲太咸喇..病個時食愛心粥,真係特別窩心...

今日我個喉嚨仲係超痛,醫生話咗要4-5日先會好...無計啦...嗚~~~

今日我地兩個病人,一齊去床到瞓完晏覺,再一齊瞓係梳化睇電視...悠悠唔肯飲水,唯有出動奶樽,開幾支勁稀既奶奶比佢,等佢吸收多啲水份啦...

到夜晚,悠悠開始真係退晒燒了..有返啲精神畫下畫...我都放心啲囉....

今次依個菌真係好勁,我估我係有小小手足口病既,不過幸好手腳無事,只係個口痛到我唔願做人啦...而悠悠,真係從未試過咁高燒,抱住佢,真係覺得好似攬住個熱水袋...係呀..係熱水..好熱個隻...

雖然到而家我喉嚨仲未好晒..不過叫做好返好多啦..過兩日好晒,要尼個屋企大消毒先得喇..

天助我也之鳳梨酥加紅豆酥

接左好大單order...其實係公司同事,集體訂購鳳梨酥同紅豆酥...加埋要做136個...仲要今個星期內起貨....

尋晚放工時三號風球,風大雨大去入材料...仲要係同老公拍拖忌念日,一家三口出街食飯...

食完就返屋企,打好個餅皮先,第一次攪咁大單,要打成1kg牛油,要篩2kg麵粉...用晒全屋最大既盤呀,煲呀...

今朝早..八號風球...唔洗返工..yeah....個天都比日時間我..多謝晒..一於開工,攪點單大野啦....

全家人出動幫手..老公幫手磅麵團同餡,悠悠幫手搓圓..我就包好同印模..入焗爐...

由朝早十點幾..做做做...做到夜晚....你睇..叮噹尼喇....哈哈哈...

包裝好埋,入好盒..完成喇...明天順利抬返公司...真係要抬先得呀..好重呀
>_<

鮑魚撻

今日去街市買左15隻鮮鮑魚,諗住整返個雞肉鮑魚撻返公司...點知..意外又發生....

買左鮑魚,雞肉,返媽咪到食飯...飯後只顧帶走鮑魚..忘記了雞肉....

返到屋企先發現...唯有..照整先啦..雞肉第二朝早啲打的送悠返學後,上媽咪到整埋佢...

咁先做好個撻皮...煮埋個鮑魚..就去瞓覺了..

第二朝,悠悠好扭計...遲左少少出門...

出左門...諗起身上無晒錢...搭唔到的士....

即刻衝去巴士站..平時差唔多時間有架巴士去悠悠學校個邊...

點知..送車尾....

唯有上另一架巴士..去到地鐵站,提款..再去搭的士..

的士站大排長龍...仲好耐先有一架車尼....等車等左半個鐘...連悠悠返學都遲到埋..

放底佢我要即走..趕去返工.....

雞肉...你留係媽咪到..今晚做餸啦.....

所以...雞肉鮑魚撻...變左....走雞肉...

個撻底好好食...鮑魚無乜鮑魚味...果然..中菜式唔係我個主菜...都係做返阿茂好了...

我的蛋糕生活

今日係FB開咗一個群組,成立左我既蛋糕公司,我未敢開Fans page住,因為Fans page太正式係一間公司,
正式對外做生意,講真,以我一個無任何廚師牌照既人尼講,真係未有勇氣...但希望群組成立之後,
可以做多少少蛋糕訂單,增加我既做蛋糕經驗..將來可以名正言順咁,將做蛋糕成為我既終生職業..
每一個蛋糕,我都會用心制作,希望我既蛋糕,可以為每一個人帶尼歡樂!

另外,我岩岩攪左一個親子月餅班,係屋企攪,只可以容納三組親子,同埋,因為係自己屋企,又好似係朋友好啲,
我屋企係村屋,比較偏遠,好難令人有想尼既衝動...地點,真係一個傷腦根既問題...
不過我唔會出去租地方攪蛋糕班啦..因為我自己都上過一啲無料到既老師既班,真係都幾激氣既..咁自問..
教下小朋友呀,新手呀,玩下就得...遇上高手我就死得啦...所以開班依樣野,都係遲下再諗,同朋友仔玩完依個月餅班就算了!!

希望大家多多幫襯我,唔好介意我唔係一個蛋糕高手,唔好將我同酒店級比啦...比機會我進步,我會努力架喇!!

歡迎加入我FB群組 :https://www.facebook.com/groups/154423308087475/

鴨仔芝士蛋糕

第4支蛋糕Order,係同事,佢無要求,無idea..完全由我自己發揮,只係話要芝士蛋糕...

因為係for佢12歲既囡囡,所以我就決定整今期大熱既鴨仔...

鴨仔最傷腦根係個咀...同埋因為係3D關係,又要就盒既高度,就算買高身既盒,又就唔到保冷袋,唯有真係細細地,扁扁地啦...

做好蛋糕體就用朱古力做個咀..跟住cut蛋糕時,因蛋糕模高度有限,要cut成圓型就要好細..所以變左個咀好大添...但我又無時間再整多個咀喎...

就係咁...大咀鴨出爐...

希望主人家中意,食得開心啦 ^^

家庭聚會

尋日買左條豬仔骨,醃左一晚,諗住今晚做晚餐既..

中午同屋企人去飲茶..諗起之前細細妹去歐洲買左啲意大利米返尼,話下次要尼我屋企食...

咁不如煮埋佢啦...於是就舉家尼左我屋企喇...雖然話舉家..但其實都係多三個人啫..kaka

今日晚餐有 : 美式燒烤豬仔骨,
海鮮意大利飯,煎牛扒,煎新薯,芝士焗西蘭花同埋紅酒醋蕃茄青瓜沙律...

白酒菠蘿焗三文魚 &amp; 煙肉磨菇橄欖青醬炒意粉

尋日去完迪士尼,今日返半日工..真係好攰呢...

收工返到屋企附近食個午餐就買埋餸返屋企休息下了...

到5點幾就開始煮飯...

前兩日買左包三文魚,加少少鹽,黑椒同羅勒醃一陣,跟住先諗..用乜野焗好呢...用白酒好似唔錯...好想用水果尼焗,清新啲..白酒配蘋果最夾..但無蘋果...諗諗下..有罐菠蘿..好..試下先..

跟住再煮意粉,第一次用青醬,先爆香煙肉,加磨菇炒,再加入橄欖,青醬,最後加入已煮淋既意粉..炒幾炒,加鹽同黑椒調調味...攪掂...開飯...

白酒菠蘿三文魚幾好味,菠蘿入晒啲白汁味,好好食呀..配菜比主菜美味...kaka

而意粉,今次真係炒得好好食,煙煙靱靱好好食...不過青醬比較油..可能不宜加煙肉...下次試下用其他代替先 ^^..

三號風球遊迪士尼

今日算係悠悠最後一日暑假,一早同老公申請左放假,諗住去迪士尼既...

但好不幸地..今日竟然掛三號風球...心大心細,去好唔去好...

見外面好似無乜落雨...去啦去啦...希望會少人啲...

一去到...真係比強國人嚇親...乜你地真係風雨不改架...好多人呀
>_<

唔理啦...快快入去,好彩一早買定飛,唔洗去排隊..一入到去,怪獸大學好長龍...咁玩其他先啦..

老公先去拎左巴斯光年同Winnie the pooh 既 fast
pass先..

跟住見到史迪仔..影返張相先..就尼排到..特然落雨添...唯有同史迪仔一齊擔遮影張相啦..

之後再影下相,玩埋小小世界,好快就夠鐘去玩巴斯光年喇..今次悠悠唔理驚,玩得好投入添..

出尼之後又落雨..走去影相先啦..影完一個又一個..影完岩岩好停雨...yeah..

今日好多戶外機動遊戲都唔開,不過問題不大,因為我地都唔點玩,但最可惜係無左花車巡遊,仲要係依頭話仲有十分鐘開始,人人企晒係到等,個頭特然落雨..取消...

不過可能迪士尼有見及此..安排左好多卡通人物出尼影相..

最開心係同到三個公主影相呀,悠悠真係超開心呢...

到左4點左右,個天開始明朗起尼,無落雨了...太好..我地爭取時間,影多啲相
^^

到6點就去睇獅子王,悠悠話好好睇呢..本來想去睇米奇表演既,但點知full左,悠悠好失望啊..

之後我地就去返大街小鎮shopping..買完野..又落大雨了...不過我地都要走啦..當時已經8點了..

雖然今日三號風球,但幸好大雨時間都唔多,又好好彩咁遇到好多卡通人物影相..

期待下次再尼呢....^^