突然心血來潮的澳門行(上)

老公星期日都請左假..諗左好耐都未諗到去邊..就係前兩日突然好想去澳門行下..

就係咁..好急切咁搵左間酒店..book埋船飛就出發喇

下午一點收工,準時閃人..打的去港澳碼頭,買啲麵包就上船啦..

落左船先去酒店check in
,今次住依間係萊斯酒店,只係三星,但價錢又唔係平,要18XX,

但入到去..好靚好靚呢...歐陸式房間,仲有個小露台,海景靚爆..依間酒店無泳池呀,Spa個啲既..想享受依啲就要去高星級啲啦..但我地唔要既..間房靚就掂啦..kaka..

放底行李,第一站係二龍喉公園,目的係帶悠悠去睇黑熊既..

去到我地先搭攬車上山,再上東望洋燈塔同悠悠影下相啦.之後慢慢行返落山..

落返山諗住睇黑熊...點知隻bearbear返左房大覺瞓..無得睇,個傻豬即刻喊左出尼...陰公
>_<

離開左公園,就係附近一間cafe休息一下..佢有件士多啤梨忌廉蛋糕超好食,個忌廉好香好滑,同我平時打起個啲好唔同..海綿蛋糕又鬆軟,真係一讚呢..

休息完,就過去大三巴..經過見到有個土耳其人係到賣土耳其雪糕,佢好攪笑既,係咁逗人笑,逗人玩,我就帶悠悠去買,佢見到悠悠就捉住佢隻手鍚左一啖..悠即咸..好好笑...佢賣依個雪糕口感好特別,又唔甜,煙煙韌韌既..我幾中意..

終於到大三巴,其實大三巴真係影過好多相..但今次係想帶悠悠去影..所以又去一轉啦..

影完相都天黑了,之前諗定去買野既小店子都關門了..只係買到椰子雪糕...椰子雪糕都幾好味..其實我覺得應該叫椰子雪芭呢..

路過祥記..無乜人喎...咁又去食下先..我中意佢個金沙炸鯪魚球..悠悠就好中意個魚皮..食個不停..

食飽飽之後就係噴水池附近影下相..就返去漁人碼頭

行一陣就返去酒店...係露台嘆返包奶就瞓覺去了

迎賓

今日邀請左悠悠既契媽尼到做白老鼠...

一早就計劃好個菜單...點知又出現左問題..

尋日先做好個綠茶奶凍,想話係面放唧一層朱古力慕絲既...

點知..奶凍唔凝固,仲出兩隻色..有沉底現像...

唯有即改..改做薄荷朱古力慕絲..但點都搵唔到個唧咀..翻轉個廚房都搵唔到...

變左就咁入杯...又抺唔平...唯有加個雪糕係面遮下醜算...

另一個意外係個意大利飯...因為煮個陣時..又要顧個薯仔,又要顧個豬仔骨,又要叮返熱啲麥包..

係手忙腳亂下...攪到湯太多..飯唔夠軟..仲要燶底
>_<..好傷心..

次次請客時都一定有事發生既..點解
@_@,.,,,真係要好好跟大師學習吓...

不過我知道我成日失敗既原因...因為我成日想一次出晒全部菜,又想每道菜都熱辣辣..真係有難度呢...

今次有唔完美最地方..但都要多謝兩位白老鼠..要你地食一啲失敗作..真係唔好意思喇..kaka..

朱古力漏心芝士蛋糕

睇完我個標題,係唔係以為我打錯字呢...其實無打錯..係我整錯...流心變漏心..

話說因為最近先發現一個好朋友既公司同我好近,而佢又好中意食甜品既,咁我就話要整個蛋糕比佢啦...點知佢好有要求..要朱古力..仲話中意流心..

上網搵唔到有朱古力流心既凍餅...得心太軟,但心太軟要熱食先流到心呢..咁點好..

唯有...又打天才波..不過今次唔係天才..係蠢材了..

我買左一包特濃朱古力奶,再加座溶左既朱古力拌勻,雪至冰做流心....

到左第二日脫模時...漏呀...漏呀...啲流心係個蛋糕邊邊到漏出尼....

個流心太稀啦..死死死..點算...仲約好朋友仔明天交收添..

幸好漏左小小就停左...我唯有用圍邊圍住佢,求求其其放啲裝飾算了..

我諗入面應該無晒流心架喇..應該溶入晒個蛋糕入面..餘下個啲都漏晒出尼了..

希望仲係好味啦 >_<....

學習 . 美食 . 新朋友

之前,家姐係facebook到介紹左一個大師比我識,

佢做蛋糕,麵包,西餐都好叻...好多時我係煮食烘焙上有問題,都會係FB到問佢..

知道佢地今日一班舊同事有聚會,仲有大師付負晚餐..我就叫我家姐帶埋我去偷師呢..

4點到達,開始煮野..大師真係大師,洗菜都好講究..切野又快手..仲要每一樣野都會自己整..

今日真係學左好多好多...仲有好多好野食呢..

第一次同一班陌生人一齊聚會,好開心,佢地每個人都好nice,好好人..令我感覺好舒服,好開心呢..

熊貓不見了

做左咁多包包,有成功有失敗..但吐司就仲未有一次叫做非常成功..

上網見到個熊貓吐司,好想好想做...但又好無勇氣..

今日同同事講開,佢一句話,未試下囉,唔得又唔洗死既..

咁又係...好..比啲勇氣...做!!!

搓面團時,覺得面團好濕..有啲擔心..

做型時更甚...壓平係好黏,做到一petpet咁...

今日天氣好熱下..發酵得好快..依個係最開心既..

入爐後...好香好香好香...綠茶味好濃...點解入左吐司模都會咁香呢?

睇清楚..原來發到漏晒出尼喇...真係好勁呢...

出爐後..真係頂角喎...梗係頂啦..頂到瀉添啦...

係個邊見到啡色..就知個熊貓實走晒樣了...

一切...變左Snoopy既????kakaka

雖然變左樣..但質地好好,味道好好..算係我一次好成功既吐司了...yeah~~~

綠茶紅豆花花包

今日請左假係屋企,有時間就梗係要搓下包啦..

好耐之前買左一個花花模,一直都未用..

今日就的起心肝..整個綠茶紅豆花花包啦..

紅豆用左之前開左既紅豆蓉,一齊加入麵團搓,所以唔係好見到佢啦....食都唔多覺呢 >_<

第二次發酵時,要包好個花花模,都唔知發到乜野程度..

原定發酵一個鐘,我都發左個半鐘..就係怕佢發唔大..

焗完出尼,都真係唔夠大呢..只有半邊花花...

但味道好好...食完一片又一片..

日式海鮮炒麵并可樂雞翼

生病了....晚餐煮點簡單的...

買咗一包日式炒麵,附有醬汁既..再買咗一包海鮮雜錦,椰菜同洋蔥..

先用清水煮開麵餅,待用,

同一煲水,加入鹽..煮一下海鮮,

開鑊,炒香洋蔥同椰菜,再炒炒麵,下醬,炒勻,加入海鮮,椰菜同洋蔥,完成..十分鐘攪掂..

另外再煮左個可樂雞翼,悠悠最愛..

都好簡單...雞翼大火煎香表皮,加入可樂,小小生抽老抽..慢火煮左10分鐘至收水..完成..

簡單又好味既一餐 ^_^

遇上假蛋

國內經常報導有假蛋,一隻蛋只係一個幾毫既事,點解仲要整假呢?

唔通..咁都仲可以有錢搵...為左錢,真係可以無惡不作?

假蛋我就從未遇到過喇..

今日我就自己製造...哈哈...

之前係依個網頁http://www.icook.hk/html/index.php?option=com_rapidrecipe&page=viewrecipe&recipe_id=345&Itemid=30&lang=en見到依個食譜...好有趣..加上我已經有材料入面既檸檬醬..

一於自己製造假像....假蛋出場...

其實佢係白朱古力檸檬醬芝士杯..

後面放埋啲真蛋係度,都幾可亂真喎...

我就係用依隻檸檬醬架喇..之前係Tasty買既...好中意佢,好香濃架..酸酸地,整海綿蛋糕用尼做夾心又得,做餅乾餡又得..馬卡龍餡一樣得..

十週年紀念 @ 栢寧酒店27樓自助餐

好耐之前係團購買左栢寧酒店既Buffet,諗住老公生日去食既,

點知預早成個星期book都book唔到,7月頭個時話個booking去到8月...洗唔洗咁誇呀..

於是改為13/8...即係我地拍拖十週年紀念日喇..

依間5星級酒店..個大堂只有3星,好細..

上到去...間餐廳細到...放食物位都好細..

團購二百六十幾元,另收加一..算啦..預左依種質素..

不過講真,佢真係只值二百幾元囉..絕對唔係購團優惠左囉...

我地早左小小上去,一夠鐘佢通知我地可以開始拎野食,啲人就湧晒出去魚生位..

佢有長腳蟹,有螺,有青口,有大蝦,有幾款魚生,但可以話,全部都無乜味既..

太多人,我就諗住先攞沙律..沙律有三款菜..蕃茄仔.....無喇..真係無喇..汁料有三款,無麵包粒,無芝士碎,無煙肉碎...想食粟米同青瓜都無呀
>_<

到熱盤...大約10款左右,食晒會加,但唔會變...我只係拎左幾樣,好記得一個紅酒燴雞,雞肉無味,而且鞋到爆..好似食刷膠咁...有個椰汁蝦比較好,入到味..

磨菇忌廉湯OK,麵包有三款,全部都好硬..

到甜品,款式當然唔多,我一次拎晒咁多款..當中有得蘋果慕絲同朱古力慕絲好食,其他都食兩啖放棄...

仲有..佢每位送半隻波士頓龍蝦,完全無味..點解可以一啲龍蝦味都無既???我見有好多枱人都無食到呢...

今次又經歷一次,團購無好野...下次真係要小心睇清楚先喇...=_=..

芒果拿破崙

人生有幾多個十年呢...

咁就到左我同老公第一個拍拖十週年...

其實我地識左5年先至拍拖,所以,大大話話都識左15年,都算睇住對方長大囉..

十週年..有乜慶祝活動呢...其實來來去去都係食餐飯,整個cake啦..

聽日先係正日,我BOOK左銅鑼灣既栢寧酒店Buffet,係之前團購左架喇..

聽日食完再同大家講吓得唔得啦..

今日整左個簡易拿破崙蛋糕,因為冰箱個幾塊現成酥皮,再唔用就掉得架喇,

所以,懶懶地,就做佢啦..

一早切好酥皮,叉啲窿,200度焗15分鐘左右就攪掂,

以為屋企仲有即食個隻吉士粉..原來無晒,得返要煮個隻..

加啲奶同糖,慢火煮一陣就得啦..都好easy..

切好粒粒芒果,一層一層咁砌上去..攪掂...

即刻食啲酥皮,中間都有小小淋左了..有機會都係試下自己搓酥皮..

唔知點解出面個啲可以唔淋呢???

白汁磨菇雞肉長通粉

外公入左醫院,今日媽咪要去探佢,我地揍住悠就唔放便去醫院啦..

所以一家三口就返屋企,食自己..

放工返到屋企都成七點幾,煮個簡單快手既白汁磨菇雞肉長通粉,

老公先係屋企煮好啲長通粉,切好醃好啲雞肉,

我返去煮白汁就得..

今次除左牛奶,加左成盒淡忌廉,奶味好濃,老公大讚好味,連悠悠都成碗清晒...

見到佢地中意食,我真係好開心呢 ^_^

茱莉綠茶戚風蛋糕

好一朵美麗的苿莉花~好一朵美麗的苿莉花~芬芳美麗滿枝椏~又香又白人人誇~
讓我來將妳摘下~送給別人家~茉莉花~茉莉花~

做乜咁好唱口?因為今日要做茱莉綠茶戚風蛋糕..

泡綠茶時,加入苿莉花同泡,再將茱莉花剪碎,加入麵糊中..

出爐時,我只可以講一句 : 清香啊~~~~

今次係二德惠買既綠茶粉,又唔貴,但好夠綠,又夠香..讚!!!

又係戚風..問你地厭未..但我就百吃不厭...因為~~~唔肥呀....呵呵!!

玉桂乾果冧酒戚風蛋糕

今日新聞...話啲奶粉又有問題..主角仲要係和光堂一號仔..

以前悠悠細個陣時,一直都係食和光堂既...直到日本出事後,先轉左雪印..

而家雪印初生都有問題,大仔個啲未有做檢測..咁細仔有問題,大仔可能都有機會有事啦..

睇尼又要轉奶粉...

其實悠悠兩歲幾,可以戒奶既喇,但係對佢尼講,支奶係命根..

一早眼都未開就叫食奶奶..瞓前又要食一支..睇尼都幾難戒住..

咁.....又轉乜野奶粉好呢...啲奶粉成日有問題,真係令人擔心..

而家1-8個月大既BB要去驗血,真係鄧佢地既媽媽擔心呢...

好,跟住講返個蛋糕先..

依排成日覺得飽飽濟濟,所以想整啲輕盈既蛋糕,

首選緊係戚風啦..順便好好練習個基礎呢..

今日依個係玉桂乾果冧酒戚風蛋糕,細妹落咗Order要全個,拎返畫室同同學仔食,

另外整兩個細細地既,自己都要試下味呢..

明天下午茶有著落...所以盒飯可以帶細盒啲呢...哈哈..

 

芝麻紫菜肉鬆蛋蛋糕

Then sign...Then sign.....彈性...彈性....

有無睇到一個廣告係某某護膚品既...主角係湯唯...佢唱左以上兩句...

今日整左個蛋糕,都係好有彈性..彈性...

佢就係芝麻紫菜肉鬆蛋蛋糕...個蛋糕真係好彈,可以用手脫模..按扁左都彈返起身..

切個時彈彈下....真係好想唱Then sign...Then sign...

依個蛋糕好香口..如果食甜野食到漏..可以考慮整佢呀..小小咸小小甜..好惹味架..

食過會好掛住佢陣味..出面係買唔到既...如果上左隱..咁要自己勤力啲喇...

好..唔講咁多...食野喇喂...

材料 :

蛋白4個 + 20g糖
蛋黃3個 + 15g糖
菜油 30g
水 35g
低筋粉 75g
芝麻,紫菜,肉鬆 適量

做法 :
1. 蛋白加糖打企,備用
2. 蛋黃加糖打勻,加入菜油及水伴勻
3. 加1/3蛋白至蛋黃糊拌勻,再加1/2低筋粉,再加1/3蛋白,1/2低筋粉,餘下蛋白拌勻
4. 加入芝麻,紫菜及肉鬆,拌勻
5. 放入已預熱180度焗爐,焗35分鐘
6. 倒扣放涼

好紫...

終於買到紫芯蕃薯,想用尼做戚風蛋糕好耐啦..

慢慢係到壓蓉..一邊睇電視..睇住蘇GOOD,鬧到個小朋友喊....陰公...

係整蛋糕過程時,見到個蛋糕開始變灰...

唔好呀...我想要紫....

偷雞...加小小紫色色素...GOOD..紫晒...KAKA...

我知無益....下次唔好..嘻嘻.....

你地睇下..真係好紫架...仲爆得好靚..不過好重身呢...

晚餐,好想食新薯...咁...又煎牛扒啦..

今次煎得好靚,外脆內軟...好好好滿足呢 ^_^

牛角酥

老公自動請櫻煮飯,咁我洗做啦...呵呵...

我唔會咁懶既...有佢煮飯..咁多時間,梗係搓包啦...

今次整牛角酥..想整好耐架喇..但知佢有難度,一陣未敢行動..

收工去左兩間烘焙店都買唔到酥油,又買唔到專用牛油...

無計,用普通牛油,每折一次就雪15分鐘,但都有小小溶牛油情況,

所以個麵團越尼越濕...個做型變咗有啲醜,

但都做到個種鬆鬆酥酥,好香好正..真係好好好中意...雖然佢好肥...kaka.

下星期再尼過...一定要再去搵搵酥油先...

跟住睇下老公今晚煮咗乜?

有三文魚意大利飯,好好食,好濃芝士味,用日本米都做到意大利飯個種口感,好味道啊..

另外仲煮左個足料羅宋湯..好港式...好香濃...100分..

原粒杏仁低糖朱古力曲奇

晚飯後仲好早,我又手痕..好想整吓野..但諗起無晒糖...咁點算??

呀..有糖霜..可以整曲奇..睇下有無材料就做乜啦...

就係咁...原粒杏仁低糖朱古力曲奇就誔生咗啦..