牛角酥

老公自動請櫻煮飯,咁我洗做啦...呵呵...

我唔會咁懶既...有佢煮飯..咁多時間,梗係搓包啦...

今次整牛角酥..想整好耐架喇..但知佢有難度,一陣未敢行動..

收工去左兩間烘焙店都買唔到酥油,又買唔到專用牛油...

無計,用普通牛油,每折一次就雪15分鐘,但都有小小溶牛油情況,

所以個麵團越尼越濕...個做型變咗有啲醜,

但都做到個種鬆鬆酥酥,好香好正..真係好好好中意...雖然佢好肥...kaka.

下星期再尼過...一定要再去搵搵酥油先...

跟住睇下老公今晚煮咗乜?

有三文魚意大利飯,好好食,好濃芝士味,用日本米都做到意大利飯個種口感,好味道啊..

另外仲煮左個足料羅宋湯..好港式...好香濃...100分..