朱古力漏心芝士蛋糕

睇完我個標題,係唔係以為我打錯字呢...其實無打錯..係我整錯...流心變漏心..

話說因為最近先發現一個好朋友既公司同我好近,而佢又好中意食甜品既,咁我就話要整個蛋糕比佢啦...點知佢好有要求..要朱古力..仲話中意流心..

上網搵唔到有朱古力流心既凍餅...得心太軟,但心太軟要熱食先流到心呢..咁點好..

唯有...又打天才波..不過今次唔係天才..係蠢材了..

我買左一包特濃朱古力奶,再加座溶左既朱古力拌勻,雪至冰做流心....

到左第二日脫模時...漏呀...漏呀...啲流心係個蛋糕邊邊到漏出尼....

個流心太稀啦..死死死..點算...仲約好朋友仔明天交收添..

幸好漏左小小就停左...我唯有用圍邊圍住佢,求求其其放啲裝飾算了..

我諗入面應該無晒流心架喇..應該溶入晒個蛋糕入面..餘下個啲都漏晒出尼了..

希望仲係好味啦 >_<....