芒果粟子忌廉蛋糕

之前係百佳,於見到粟子茸減價..收原價47減到38..真係好鬼低..
今日終於有啲時間整喇..
仲買左芒果做餡,..幾唔錯呢 ^_^
不過炆餅技術真係有待改進 ....

特濃粒粒花生醬曲奇

無錯..又係花生醬曲奇..點解又做?因為尋日果個..我覺得唔係咁夠花生醬味,

我係平時搽麵包,都會搽勁厚醬既人,所以..對依個餅好有要求呢..kaka..

今日見到Rice Bowl
Tales有出食譜,睇一睇個分量,佢個花生醬比例多好多喎..好..就跟你..

不過糖分我減左好多,都仲係覺得有少少甜..可能佢既花生醬係無糖份既??

依個食譜出尼既麵團好濕既,所以做唔到印模..都無乜做型可言,

但出尼真係好香濃,入口即溶,好似成啖花生醬放入口咁..好正..

但如果你係好怕成啖花生醬放入口既,依個食譜就未必岩你喇 ^^

食譜參考 : http://www.ricebowltales.com/2012/07/salted-peanut-butter-choc-chip-cookies.html

材料 :

中筋粉 240g
泡打粉 5g
海鹽 12g
牛油 275g
幼黄糖
370g (我用砂糖,減少至270g)
蛋 2 隻
軟滑花生醬 400g (我用紳士牌粗粒花生醬)
雲尼拿油 2 茶匙
(無加)
切小碎塊的牛奶巧克力 (無加)

做法 :

1. 牛油室溫放軟,加砂糖打至軟滑
2.
蛋分次加入,拌勻,加入花生醬及雲尼拿油拌勻
3. 分次篩入麵粉,泡打粉及海鹽拌勻
4. 用匙做型,放入焗盤,中間留位置
5.
180度,焗約15分鐘,放涼即成

我個食譜寫得比較簡單,如果無乜做餅經驗既,請去Rice Bowl
Tales到睇下,佢好詳盡架..

屋企無晒包裝,用埋依個靚靚兔仔先..有啲啲唔捨得用呢 ..

第一次包包班

今日係我人生第一次出去學做包包..

有人話,你都識做包啦..做乜仲要出去學..

唔.................我係識做..但..總係唔完美..我想正正式式去學一之..睇下自己有無乜野做錯MA..

今日都算學咗好多野..學左一啲新既撻麵團方法..學咗..原來酵母接觸到糖同鹽係唔會死既...仲有..焗個時要點控制爐溫....

不過今次老師為左就啲新手學生,所以用左啲化學野,所以出尼個包好軟,但我就唔LIKE啦..出去學手搓包包,我就係想知,點樣唔用化學野都可以搓到軟熟既包包嘛..

今日都仲學到一樣野..就係團購真係唔掂..比足正價先學到野架...KAKAKA..

花生醬曲奇

飯後得得閒閒,又想做餅餅..好耐無做曲奇喇...突然好想食花生醬味既..

記得雪柜有一樽花生醬,仲有好多下..好..即刻上網搵下先..

搵到有唧花既食譜,但要用粟粉..啲粟粉用晒尼洗蠔仔..

再搵..另一個係就咁搓圓按扁既..好..就你啦..

做左一盤..入爐前覺得個做型真係唔多好..

見個麵團好油吓,應該唔會痴模..好..搵個米奇頭尼印吓先..

即刻靚仔晒...囡囡一見到就好開心..食左3-4個呀...好勁
>_<..

海鮮餐

對於皮膚唔好既我尼講,海鮮真係可免則免,不過老公又中意食..

好..為你煮一餐啦...不過蟹就真係唔好喇..太毒 >_<

去到街市,我發覺自己對海鮮真係完全唔認識,好多貝殼類,到底乜野打乜野..真係唔知..見到一個好似蜆既物體..應該係你啦(雖然事後老公話花甲好食啲..但我以為炒蜆就梗係用蜆架啦??)

跟住去買魚,我又係好多都唔識..見到有驢魚,依個我記得你..好滑吓既..好..就買你啦..

之後仲要買蝦...買蠔仔..好彩街市好多都有字明係乜,仲要價錢..咁都好啲..啲蠔仔好大隻,唔多似平時出街食個啲既??可能煮左會縮水卦...得一檔有得賣..是但啦..

最後買蝦,檔檔都好細隻下..又唔想買游水個啲..走返上百佳買一盒啦..平平地又大隻..

上到百佳無唐芹,買左一包茜芹,好大包吓..個蠔仔粥唔洗用咁多..咁就買多隻尤魚,用蝦醬炒啦..

返到去,浸好啲蜆,等佢吐沙..用粟粉洗蠔仔..洗幾次..又要蒸熟啲咸蛋,再尼剪蝦腳,仲要切尤魚介花..醃好啲碎豬肉煲粥..再洗埋切埋啲茜芹,咁樣攪左個幾兩個鐘..攰死人...

今餐飯..樣樣都好重口味..但偏偏啲咸蛋唔咸...

最好食係個蠔仔粥,一啲腥味都無,可能係我無落大地魚,無出面個種腥味,但因為有好多蠔,所以好甜,好好味..

牛奶咖啡慕絲杯

本來想做奶茶慕絲,但老公話我實做唔到茶餐廳既奶茶味,,叫我整咖啡味..

算...哼..慕絲又確係好難做到茶餐廳奶茶味既..因為要加淡忌廉ma..

我依個懶人加笨人..走去買一罐咖啡尼整...

都話要加淡忌廉啦..出尼結果未淡晒囉...無乜咖啡味囉..

重要,整得太少..唯有係面到加多層奶凍..開一包奶,自己加魚膠粉,無食譜,無分量,估估下..幸好出尼又軟滑喎..不過就無乜奶味..

下次再努力..一定唔可以懶..要自己試下泡到茶餐廳奶茶出尼先..整濃啲應該可以做到個效果出尼既...

荔枝慕絲啫喱夾心蛋糕

公司第三次派荔枝..點解成日派荔枝呢..其實我都唔知..應該係國內既供應商之類送的吧..

點都好..食唔食都拎左返屋企先..師奶仔,貪小便宜..哈哈..

上兩次浸左酒..今次一於做蛋糕啦..

諗住做個八吋大既..拎返公司同同事分享既..

夜晚趕好工,餅面無乜裝飾..係屋企搵下有無野用得著先..

見到有好多細細包綿花糖..係悠悠每次去便利店時,個D姨姨送比佢既,越儲越多..一於用左佢..

又見雪柜放左兩片朱古力係到..放左好耐..加D金粉上去..靚晒..再加D銀色珠珠...求求其其左砌又砌咁...都幾唔靚..哈哈..

到左第二日一早..外面三號風球..橫風橫雨...死..點拎...

算了...唯有收工返尼..一家三口自己吃吧..八吋唔知要食幾耐呢
>_<

開始我的下廚生活

從今天開始,我的下廚記錄就這樣旦生..

烘焙的生活,才開始了一年左右..從今天記,要好好記錄我的烘焙生活!!!加油!!