超勁台風??

中秋過後,玉兔就殺到,講到吹得好正,個風好勁..點點點咁...

老公都忙於收拾好天台,包好枱椅,做足準備

今日原先約左舅父一家食飯既

仲要係舅母既生日,我諗左一款蛋糕送比佢既

點知打風,飯食唔成,但我蛋糕照整..

整個細既,自家人吃啦..

無買定水果,唯有整綠茶海綿,配紅豆蓉餡,

而個裝飾就浪漫到暈..

係紫玫塊花籃,靚唔靚呢?

做完蛋糕,出面開始落晒大雨咁

成日同悠悠係屋企咁悶..

一於同佢整下曲奇餅啦

反正我都要整張曲奇相,

點解要曲奇相?..下回分解..keke

夜晚開始掛八號波

不過我地住村屋既,附近有座山靠吓

而且樓同樓痴得好近

所以,我一啲感覺都無...

不過上次個風有吹到天台啲野跌晒,又有吹爛野

但今次乜事都無?

個風真係好勁???