芒果拿破崙~~學習編

之前係團購用150元,買左一張300元代用劵,係Cake一Cake既代用劵,之前我話過團購既野真係唔多可信,但我知道,Cake一Cake會係唔同既,因為一來佢出名,二來我有去佢到學過,Miss真係幾好架...

今次多得Fiona,佢做晒買代用劵,Booking既野,原先想整另一款cake既,但實在點都就唔到佢開班時間,最後我地揀左芒果拿破崙,酥皮,真係要出去學一次架呢..

今日由7點整到11點,Miss真係好好,講得好詳細,有問必答,同之前既團購真係差好遠,不過其實佢一堂真係唔平,我地用左coupon都要260元,如果無就差唔多成400元呢...不過我相信,物超所值,老師好有心機慢慢教,如果平個啲,佢會幫你手整,咋咋淋趕你走囉..最好笑係整完之後,Miss仲好有心機咁同大家逐一影相,仲要睇晒燈光角度,教埋你點擺pose呢...真係下次可以開班教攝影..哈哈哈..

三個鐘,學咗好多野..了解晒塊酥皮..諗起屋企雪柜個舊酥油..我要快啲決解咗佢...加油加油gogogog!!!

柚子芝士焗餅 + 草莓馬卡龍

最近天氣又凍又熱,又乾又濕,都唔知想點,成個衣柜冬天衫同夏天衫放晒係到,前一日著住短袖,第二日可以要著褸既...前一日著涼鞋,第二日著boot...玩死,,,

今日又係落雨天,濕濕凍凍咁,唔想出街,想打邊爐..

放工返將軍澳食個午飯,買埋材料,就返屋企,今日懶,全部材料係惠康買,不過真係好唔掂..
佢新鮮切左條脆肉鯇,真係好新鮮喎..點知唔脆既,仲有啲粉粉地...=_=
炸魚皮,唔係脆,唔係淋..係韌既..象拔蚌,唔脆...蝦滑,又淋又腥又臭,掉左..唯一好食既係粟米...唉..

下午唔洗準備煮飯既野,得得閒閒就試做馬卡龍,不過真係唔岩時間,由4點幾整好,吹到9點都唔乾...算..超入爐..出尼好醜,又爆,又乾咁,仲要條裙仔超迷仔.....不過第一次做,有咁既效果都算啦..

尋日仲整左個柚子芝士焗餅,今日甩模後,搽啲果醬上去,食得,唔錯..不過都係..樣有啲衰..

都唔知點解,芝士焗餅係我人生第一個餅,但越做越差...

今日我整野時,悠悠好專心係到畫畫,座係梳化到畫畫下,仲要跪埋落地,但就唔肯去枱到畫,真係咁有藝術家脾氣??

全麥忌廉芝士包

手痕痕,手痕痕...唔係想打麻雀呀...係想搓包包...

屋企得返麥粉,就整麥包..懶攪做型..入面包啲忌廉芝士,滾圓,發酵,入爐,食得...

今日晚餐,玩BBQ,唔洗上天台燒炭,用個BBQ爐,係屋入面燒...

買左啲材料,串起,攪點...一邊慢慢燒,一邊飲自家梅酒..正到暈呀...

蜜糖迷迭香燒雞 + 香濃蕃茄薯仔洋蔥湯

去完台中四日三夜返尼, 是日放假...旅行後既休息假期.

起床後一家三口去飲個茶...突然好懷念香港既點心呢..kaka

今次去台灣真係無啖好食..因為我地包左車,同成日都係行山路,搭完車都無晒胃口..同埋因為怕會嘔,所以每餐都係食半飽算了...

所以一返到尼..我即刻又要開工..整返餐好野食下先..

今日整左個迷迭香燒雞,個皮搽左啲蜜糖..悠悠食到津津有味呢..另外買左蕃茄同薯仔做伴菜,多左既就用尼煮湯..蕃茄薯仔洋蔥用雞湯煮半個鐘,再將啲材料用攪拌機打爛,再過篩,放返落去個雞湯到,加入茄膏再煮至小小杰身就攪點...好香濃美味呢..

悠悠三歲生日會@佐敦谷公園野餐

期待已久既悠悠生日會到了...

早兩日已經準備好蛋糕,今早出去食個早餐,返尼整埋啲沙律,就出發去佐敦谷公園野餐..

依個公園第一次去,因為要就大家唔去太遠,咁依到都算近既...

一去到,見到個大大草地..但好曬..另一邊有個比較細既草地,但有樹蔭,

就搵著棵樹,開始開餐啦...

我整左布朗尼朱古力蛋糕,bear bear
包,雜果沙律,仲有吞拿魚蝴蝶粉配之麻醬..

婆婆幫手整左啲滷水同咖喱魚旦,BB姨姨就整左三文治同菠蘿腸仔,姨媽就買壽司小卷...

食飽之後,就到蛋糕出場啦...

因為無得雪既原因,所以我只做左玉桂雜果乾牛油蛋糕,當然個面要整啲糖皮啦..

糖皮大人個個都嗌甜..但小朋友就食得好開心...

玩到四點幾...大家就離開,部份人轉戰到我屋企...

大人打牌,小朋友整曲奇,開開心心過左一日...

悠悠仲因為太過興奮,半夜發惡夢呢 =_=...

Happy Halloween @ 南瓜荔枝果凍

萬聖節快樂...

十月最後一日..天氣轉涼..而我都病左..全日係公司鼻水長流不息,狂打噴嚏,成個垃圾筒都係我包既雲吞....

尋日係吉之島買左兩隻小小小小南瓜,好得意...返去蒸左佢,切開個頭頂,清走入面既核同穌穌..

條懶根發作...求其用左之前買落既荔枝果凍粉,開左佢就倒入南瓜到...放涼入雪櫃..

今日返到屋企拎出尼,用刀仔核左塊臉比佢..咁就完成啦...好應節呢 ^^

切開一件件就食得..果凍好好味...但原來依啲小小小南瓜係唔好食既...

點都好...萬聖節快樂..我要食藥瞓覺去了....晚安...

朱古力紅桑子流心慕絲蛋糕 @ 呈之生日飯

好開心好開心既一晚....

因為今日好好朋友既呈呈同未婚夫阿沖尼左我地屋企作客...

前兩日我就開始準備,對於好中意整野食,又好中意宴客既我尼講...有朋友仔上尼食飯,真係超級開心...

今次餐飯係為慶祝呈既生日,蛋糕就一定走唔甩啦...

晚餐菜單係咁既 :

我地由7點,食食食..傾傾傾..傾到成11點幾,時間過得真係好快呢...

真係唔知點解,我同呈可以咁岩傾既...有講唔完既話題呢...

首先真係好多謝佢地咁遠尼我屋企作客...要你地搭咁耐車返去,真係辛苦晒了...

第二樣就真係要好多謝亞沖...影左好多靚相...以上既相都係佢影架...其中依張我真係超中意呢
^^

你又點止得部機影得靚啦....你既技術都係一流呢...kakaka